السبت، 15 يونيو، 2013

الخبز العراقي بالتنور الكهربائي

الخبز العراقي بالتنور الكهربائي 





خبز التنور العراقي 
لايستغنى عنه العراقييين في كل وجبة من وجباتهم في الاول كان يعمل على التنور الفخاري (تنور الطين كما يسمى بالعراق )
والوقود هو الحطب وبعدها اصبح يعمل على التنور الغازي اللي يستخدمه اغلب العراقيين 


وبعد الحرب الاخيرة وازمة الوقود اخترعوا التنور الكهربائي لحل جزء من الازمة بالرغم انه الكهرباء هي الاخيرة لاتتواجد الا لساعات لاتتعدى الاصابع الخمس 
والعراقي المغترب اكثر شي يحن له هو الخبز العراقي والصمون الحجري 
اول سنين غربتي كنت اتمنى ان آكل الخبز العراقي لانا غير متعودين على الخبز العربي 
وبعد كم سنة جلبت معي من العراق التنور الكهربائي وصرت اعمل الخبز لما نشتهيه او لما تتطلب الوصفة خبز عراقي 
كالدولمة او السمك المشوي او التشريب 

وهذا شكل التنور الكهربائي 


من الداخل 


العجينة لا تعتمد على مقادير معينة 
وانما طحين وملح وخميرة وماء دافئ فقط لاغير 
نعجن ونضيف الماء بالتريج المهم نحصل على عجينة طرية وتلتصق باليد قليلاً 
نضيف لها الماء لكي ترتاح العجينة بالماء وهي عادة عند اغلب البيوت العراقية 
ولا اعرف سبب نقع العجينة بالماء ولكن بعد ان ترتاح بالماء ربع ساعة 
كثيرررررر العجينة تتحسن وتكون رائعة 


ومن بعد ربع ساعة نصفي الماء ونعجن العجينة مرة اخرى 


لاحظوا العجينة طرية ولو مسكاناها تلتصق باليد وفي من لا ينقع العجينة 
فكل واحد يعملها بطريقته 

نترك العجينة تختمر لمدة ساعة او اكثر حسب الفصل صيفاً ام شتاءً
ومن ثم نقطع العجين الى كرات متوسطة الحجم الى كبيرة حسب حجم مخدة الخبز اللي عندنا 

ونضعها في صينية فيها طحين لحتى مايلتصق العجين بالصينية 



نسخن التنور لمدة خمس دقائق وبهذا الوقت نعطي مجال للعجين يرتاح مرة اخرى 

ومن ثم نفتح العجينة بواسطة اليدين حتى نحصل على قرص رفيع (سأدرج فيديو من الانترنت عن كيفية خبز الخبز العراقي )
ونضع العجينة على مخدة الخبز (مخدة من الاسفنج على شكل دائري وتستخدم فقط للخبز وتغلف بقماش قطني )













هنا رابط من الانترنت  عن طريقة  خبز الخبز  بالافران 


ممكن وضع السمسم على الوجه قبل خبزها 
وممكن اضافة اللحم المفروم مع البصل والكرفس للعجينة ومن ثم خبزها 
وهنا تسمى خبز عروق (عروكَ) مااطيبه 

يقدم الخبز العراقي  مع كل شي ومااطيبه خبز بلادي 
هالخبزات كانت من ايد الغالية ست الحبايب امي لما زارتني هنا 
ربي يحفظها لي ويطول بعمرها وابي واخوتي 

هناك 19 تعليقًا:

  1. من اين يمكن الحصول على التنور الكهربائي ولكم الشكر الجزيل

    ردحذف
  2. ارجو الرد على سوالي اكون ممنونةمن الاخت ام مرمر وليلو

    ردحذف
    الردود
    1. آسفة لاني تأخرت بالرد لاني كنت مسافرة
      اشتريته من العراق
      وسعره ميتجاوز ال30 دولار
      وموجود بكثره هناك

      حذف
  3. يرحم والديج من وين احصل على مثل هذا التنور انا في امريكا

    ردحذف
    الردود
    1. والديج عيوني
      اني اشتريته من العراق
      اذا تكدرين توصين احد يجيبلك وصي
      لانه بجنط السفر يصير وميحتاج تكلفة او عناء
      اعذريني بالتاخر بالرد لاني كنت مسافرة

      حذف
  4. يا ريت اتعرفين اسم الفرن بالانكليزي

    ردحذف
    الردود
    1. والله مااعرف
      بس بغير العراق في نفسه يعملوه اهل الشام
      مسمى بالصاج الكهربائي
      اسئلي عنه في المحلات العربية وخصوص الشامية
      ويارب تلاقيه

      حذف
  5. والله مشتاقيين للخبز العراقي وتزوجنا من الغربه ومايعرفون طبع العراقي وش يشتهي من اكل

    ردحذف
    الردود
    1. الله يفرج عنا غربتنا جميعاً
      الان الانترنت واليوتيوب يعلم اللي مايتعلم
      فقط الواحد يكون عنده حب للتعلم
      وكلشي الواحد يتعلم

      حذف
    2. معچ حق قلبي انا لما تزوجت ما كنت اعرف اطبخ الاكلات الحلوه والكبيره بس حدي بيض وطماط 😂لكن الحين من النت صرت اطبخ العيش والكبه والايدامات والمختلفه بس مشكلتي احب الخبز التنور وايد بس العجينه ولا مره اضبطت معاي 😢مع انه المعجنات تضبط

      حذف
  6. اني من بغداد من وين اشتريه من غير امرخظ

    ردحذف
    الردود
    1. اذامصير زحمه منين اشتريه من بغداد وكم سعره

      حذف
    2. موجود بكل مكان وسعرة 25 او اقل بشويه

      حذف
    3. مثل ماقالت الأخت موجود بكل مكان بس اسئلي عنه وموجود بالشورجة اذا عندج احد يروح هناك وآسفة لتاخري بالرد كان عندي مشكلة بالمدونةًومااقدر ادخل لها

      حذف
  7. اريد واحد تنور كهربائي للكويت اذا مافيها زحمه

    ردحذف
    الردود
    1. البصرة قريبة عليكم واكيد تقدر تطلبه من هناك لو كنت بالعراق كنت بعثت للكويت

      حذف
  8. هاي شلون نجيبه الك

    ردحذف
  9. هاذه التنور موجود بغداد ٣٠ الف دينارسعره

    ردحذف
  10. من وين احصل على هاي التنور . احنا من عمان.

    ردحذف

مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ